Nire ustez artikuluaren suposizioak erabat traketsak dira. Abiadura handiko trenak ez daude pentsatuta egunerokoan erabiltzeko. Ondorioz, Segoviarrek gaizki egiten dute pentsatzean etxea Segovian izan dezaketela eta lanbidea Madrilen. Hori zorakeria bat litzateke, eta ez da inola ere onargarria ikuspuntu ekologikotik. Ondorioz, benetan pozten naiz trenaren maiztasunak eta prezioak ez dutelako modu horretako bizimoldea onartzen.

Bestalde prezioari so egiten badiogu, 20 euro horiek letra txikia dute atzean, izan ere hori prezio maximoa besterik ez da. Edozeinek begira dezake Renferen webgunean diodan hau (”ida” hautatuz, eta prezio osoa agertu ondoren — 20 eurokoa — erosketa prozesua jarraituz, orduan agertzen dira atrfia guztiak). 20 euro prezio maximoa da. Prezioak honakoak dira:

Tarifa osoa: 20,60 euro.
Gazte txartela: 16,35 euro.
Estrella (7 egun lehenago erosita): 12,30 euro
Web (internet bidez eta 14 egun lehenago): 8,15 euro

Kontuz ibili zaitezte irakurtzen duzuenarekin eta informazioa iturriarekin egiaztatu. Bestalde, ideiak argi eduki behar dira eta gauzak ez nahastu.

AHTren kontra daudenak sor ditzazkeen mugimendu gehigarriak argudiatzen badituzte (adibidez, Segovian bizi, Madrilen lan egin — burugabekeria), ez da logikoa tesi hori babesteko, AHT mugimendu gehigarri horiexek lortzeko gai izan ez dela dioen artikuloa erabiltzea.