Europako 118 milioi euro “Euskal Y”-arentzat
BERRIA Europako Batasunaren (EB) laguntza ekonomikoa jasoko du Euskal Y-ak. 118,53 milioi euro aurreikusi dituzte proiektuarentzat Jacques Barrot EBko Garraio Saileko buruak aurkeztu berri duen planean.
Herenegun aurkeztu zuen 2008-2013. urteetarako plana Barrotek. Baina garraio plan hori ez da behin betikoa. Europako Legebiltzarretik pasatu beharko du, eta bertan onartua izan. 2008ko hasieran tramite hori pasatzea espero du Europako Batzordeak.
Nuria Lopez de Gereñu Eusko Jaurlaritzako Garraio sailburua pozik agertu da Europako Batasunaren asmoarekin. «Inbertsioen aurreikuspenek erakusten dute Europako lehentasunezko korridoretzat jotzen duela Batzordeak Euskal Y-a». Europako garraio aurrekontuen %74,2 trenbideentzat izango dela ere nabarmendu du.
ELA sindikatuak, bestalde, Euskal Y-a edo Abiadura Handiko Trena (AHT) dela eta, herritarrei hitza emateko deia egin die erakundeei. «Herritarrei gai horren gainean kontsultatzeko udal askotan bultzatu diren ekimenak txalogarriak, osasungarriak eta beharrezkoak direla iruditzen zaigu».
This entry was posted on Ostirala, azaroa 23rd, 2007 at 12:29 pm and is filed under Albiste orokorrak. You can follow any responses to this entry through the RSS 2.0 feed. You can leave a response, or trackback from your own site.
on azaroa 30, 2007 at 10:53 am Kapain wrote:
Harri bat ote da AHTaren kontrako egitasmo-ibilbide honetan? Ez dut uste. Aztertu behar, batetik, ze baldintzapetan ematen diren laguntza horiek, eta, bestetik, betikoa, dirutza hori azken finean noren poltsikoetara doan erakutsi. Akaso, AHTak izan ditzakeen kalteen “ordaina” estaltzeko erabiliko da? Hala izanda ere ez nuke nik behintzat onartuko. Tren sozial baten alde beti!!!!
Kapain