Iparralde: zigor bozka argia AHTa ukitzen duten herrietan

AHTri buruzko erreferendumak egin dituzte Ipar Euskal Herriko 8 herritan. Cade kolektiboko Victor Pachon-ek adierazi du “emaitza izugarriak” izan direla AHT proiektuak ukitzen dituen herrietan. Izan ere, zigor bozka argia izan da UMP, PS eta FN alderdien kontra. Hiru alderdi horiek argiki AHT-ren alde egin dute kanpaina osoan zehar.

Milafranga herriko emaitzak dira argigarrienak : UMP alderdiak hautesleen %27 egin zuen 2004ean, eta %13 lortu du aurten ; sozialistak pasa dira %30etik %16,5era eta Fronte Nazionalak bozen %6,6 jaso du aurten, 2004an %11 lortu zituenean. Beste daut interesgarria Azkaineko parte hartzea da, hautesleen %56ak bozkatu baitu AHT proiketu ukitzen duen herri horretan.

Herri horretan ere izan da bigarren kontsulta, AHTaren ingurukoa. Horrela, Azkainen, %94k ezezkoa bozka du. Ondoko herrian, Urruñan, %90,8koa izan da bozka hori, Biriatun %96,3koa, Ahetzen %91,76koa, Arbonan %86koa, Arrangoitzen %91,3koa eta Senperen %92,19koa. Basusarrin ere gehiengo zabala lortu dute AHT berriaren kontrako elkarteek. Hartara, boto-emaleen %88,02k ezetz bozkatu du eta %11,98ak baietz. Basusarrin 1 885 herritar azaltzen ziren erroldan. Horietarik 755k parte hartu du herri kontsultan.

(À lire aussi: Après Nérac, les anti-LGV attendent le référendum d’aujourd’hui )

This entry was posted on Astelehena, martxoa 15th, 2010 at 11:14 am and is filed under Albiste nagusiak, Albiste orokorrak, Herri galdeketak. You can follow any responses to this entry through the RSS 2.0 feed. You can leave a response, or trackback from your own site.