Nafarroako Parlamentuak ez du AHTari buruzko eztabaidarik nahi

Ez du nahi. Nafarroako trenbideari buruz batzorde bat egiteko Bilduk aurkeztu proposamenari ezezkoa eman zion atzo Nafarroako Parlamentuko Sustapen Batzordeak. Bilduren ekinaldiak, atzo, Ezkerraren eta Aralar-NaBairen babesa baino ez zuen jaso. UPNk, PSNk eta PPNk kontra bozkatu zuten.http://paperekoa.berria.info/harian/2013-06-06/015/002/parlamentuak_ez_du_ahtari_buruzko_eztabaidarik_nahi.htm

 

Cadreitan maiatzean AHTaren aurka egindako protesta. / IÑIGO URIZ / ARGAZKI PRESS

Edurne Elizondo (BERRIA)

UPNko Marivi Castillok argi utzi zuen batzordea AHT abiadura handiko trenari buruzkoa izanen litzatekeelako eman zuela ezezko botoa alderdi horrek. UPNk behin baino gehiagotan erabili duen argudio bera jarri zuen Castillok mahai gainean: «Ez zaudete Nafarroaren garapenaren alde; Itoizko urtegiari ezetz erran zenioten; Nafarroako ubideari ezetz erran diozue; garapenaren aurka zaudete; zuen asmoek ez dute gure asmoekin bat egiten, inondik inora».

Maiorga Ramirezi mintzatu zitzaion Castillo. UPNko kidearen hitzen harira, alderdi horren jarrera salatu zuen Bilduko parlamentariak: «Nafarroako Parlamentuari eztabaida egiteko aukera kendu nahi diozue; AHTaren auzian kontraesanez eta burugabekeriez betetako bidea egin duzue; eztabaida, datuak eta txostenak behar ditugu, ordea», erran zuen Maiorga Ramirezek.

Eztabaida egitearen alde agertu ziren, hain zuzen, Ezkerra eta Aralar-NaBai. Azken talde horretako parlamentari Txentxo Jimenezek argi utzi zuen, hala ere, bozketa egin aurretik txostena eginez gero ere bide motza izanen zuela ekinaldiak: «Nafarroako Parlamentuaren hurrengo osoko bileran AHTari buruzko bi mozio eztabaidatuko ditugu; guk aurkeztu dugunak obrak bertan behera uztea du helburu; PSNrenak, berriz, kontrakoa», azaldu zuen.

PSNko Maite Esporrinek, hain zuzen, AHTaren aldeko diskurtsoa egiteko baliatu zuen atzoko saioa. Nafarroako korridorearen orain arteko proiektua bertan behera gelditu eta gero, UPNko kideekin bilera egin zuten sozialistek. Atzo bi alderdiok iragarri zuten bilera horren harira Nafarroako Gobernua Espainiakoarekin «negoziatzen» hasi dela, AHTaren inguruko «hitzarmen eta azpiegitura hobeak» lortzeko.

Egungo tren zerbitzuak

AHTarekin duen kezka agertu zuen atzo Esporrinek. Aldi berean, egungo tren zerbitzuei eusteko mozioa aurkeztu zuten sozialistek. Ez zuen aurrera egin, ordea. «Egungo zerbitzuari eutsi nahi diozue, eta, aldi berean, AHTaren alde egiten duzue. AHTarekin egungo trenbidea desagertuko da. Ez zarete koherenteak», erran zion Jimenezek Esporrini. PPNko Eloy Villanuevak erantsi zuen Iruñea eta Castejon arteko zerbitzua dela Nafarroan desager daitekeen zerbitzu bakarra. «Iruñea-Castejon-Zaragoza zerbitzuak martxan jarraituko du».

This entry was posted on Osteguna, ekaina 6th, 2013 at 18:05 and is filed under Albiste nagusiak, Albiste orokorrak. You can follow any responses to this entry through the RSS 2.0 feed. You can leave a response, or trackback from your own site.

Iruzkinik ez

Be the first to comment on this entry.

Have your say

Fields in bold are required. Email addresses are never published or distributed.

Some HTML code is allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>
URIs must be fully qualified (eg: http://www.domainname.com) and all tags must be properly closed.

Line breaks and paragraphs are automatically converted.

Please keep comments relevant. Off-topic, offensive or inappropriate comments may be edited or removed.

    AZKENPOSTAK

    1. Conclusiones 5º Foro Internacional contra los Grandes Proyectos Inútiles e Impuestos (Udine, Italia)
    2. La UTE Antzuola para la obra de su túnel del TAV por impagos de Lakua
    3. Participantes de la marcha ciclista de Mugitu! protestan ante Diputación en Iruñea
    4. Sustrai denuncia que las obras del TAV en Nafarroa incumplen el Derecho Europeo
    5. Orain da garaia! AHT Gelditu! Iruñeko elkarretaratzea: kronika eta argazkiak
    6. AHTaren lanak gelditzeko eskatu dute Donostian 3000 lagunek
    7. 9J, charla: La alta velocidad de la destrucción social (N. Jurado / Pozokoetxeko Kultur Etxean))
    8. AHT gelditzea exijitzeko manifestazioa ekainaren 13an Donostian:
    9. Bideoa: Hitzaldia Villabonan (A. Jauregi, D. Hoyos, J.Imaz)
    10. [Atxondo] AHTren aurkako mendi martxa: kronika eta argazkiak
  1. ARTXIBOAK


    BILAKETA