AHTaren proiektu berriak kalte handiagoa eragingo duela salatu dute

Donostia-Beterriko eta Oiartzualdeko hainbat talde sozial ez daude ados Espainiako Gobernuko Sustapen Ministerioak AHT abiadura handiko trenaren Astigarraga eta Irun arteko proiektuan egindako aldaketekin. Aurreko proiektuaren eragina bikoizten duela salatu dute: «Proiektu horren eraginez, zeinari bultzada berri bat eman nahi dioten, azpiegitura berriek ekarritako eraginak bikoiztu egingo dira Irunen, Lezon, Oiartzunen, Errenterian, Donostian eta Astigarragan».

Ingurumen eraginaz gain, eskualdeari eragingo dion gastu ekonomiko eta soziala ekarri zituzten gogora atzo, Irungo udaletxearen aurrean egindako agerraldian. Espainiako Gobernuak kaleratutako txosten baten arabera, 800 milioi euro erabiliko dira AHTaren obra horiek egiteko, eta gaur egun hainbat herritarrek duten egoera kontuan hartuta, gobernuaren jarrera kritikatu dute: «Diru publi- koa neurririk gabe xahutzea dakar horrek, gastu sozialak zorrotz murrizten ari diren bitartean».

Horrez gain, salatu dute hainbat azpiegitura aurreikusten dituela proiektuak; hala nola AHTaren eta Renfeko ohiko trenbidearen arteko adar zein lotura konplexu ugari; azpiegiturak, zubibideak eta tunelak hirukoiztea; eta merkantzientzako geltoki intermodal bat. «Donostiako Martutene auzoa, esaterako, tren azpiegitura handien eta AHTaren erdian itoko litzateke», ohartarazi dute. Horregatik, etorkizunean AHTaren aurka egingo diren ekintzetan parte hartzeko deia egin dute.

Lapurdiri ere eragiten dio planak. Atzo jakinarazi zuen Eusko Jaurlaritzako Garraio sailburu Ana Oregik obrak «atzeratu» egingo diren arren horiek egiteko asmoarekin jarraitzen dutela. Iparraldeko hautetsiak ere trenbide berri bat egitearen aurka daudela adierazi du Juantxo Tellierrek, CADE Ipar Euskal Herriko Ingurumenaren Defentsako Elkarteen Koordina- kundeko lehendakariak. Sostengu osoa eman diote hegoaldean AHTaren aurka ari den mugimenduari. «Jakin dugunez, Frantzian lehentasunezko egitasmoak zein diren esateko sortutako taldeak esan du Hendaiako egitasmoak ez duela lehentasunik; 2030. urtea baino geroagorako gibelatuko dute. Beraz, hemen beste froga bat dago, egitasmoa beharrezko ez dela erakutsi duena. Guk ere gure borroka bururaino eramanen dugu», gaineratu du.

This entry was posted on Ostirala, ekaina 14th, 2013 at 18:06 and is filed under Albiste nagusiak, Albiste orokorrak. You can follow any responses to this entry through the RSS 2.0 feed. You can leave a response, or trackback from your own site.

Iruzkinik ez

Be the first to comment on this entry.

Have your say

Fields in bold are required. Email addresses are never published or distributed.

Some HTML code is allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>
URIs must be fully qualified (eg: http://www.domainname.com) and all tags must be properly closed.

Line breaks and paragraphs are automatically converted.

Please keep comments relevant. Off-topic, offensive or inappropriate comments may be edited or removed.

    AZKENPOSTAK

    1. Sustrai denuncia que las obras del TAV en Nafarroa incumplen el Derecho Europeo
    2. Orain da garaia! AHT Gelditu! Iruñeko elkarretaratzea: kronika eta argazkiak
    3. AHTaren lanak gelditzeko eskatu dute Donostian 3000 lagunek
    4. 9J, charla: La alta velocidad de la destrucción social (N. Jurado / Pozokoetxeko Kultur Etxean))
    5. AHT gelditzea exijitzeko manifestazioa ekainaren 13an Donostian:
    6. Bideoa: Hitzaldia Villabonan (A. Jauregi, D. Hoyos, J.Imaz)
    7. [Atxondo] AHTren aurkako mendi martxa: kronika eta argazkiak
    8. AHT gelditzeko Maiatzaren 30ean Atxondon egingo den mendi martxarako deialdia
    9. Adhesiones a la manifestación contra el TAV del 13 de Junio en Donostia
    10. Detectados pagos indebidos de al menos 4,5 millones de € en el tramo Beasain-Este del TAV
  1. ARTXIBOAK


    BILAKETA