Hendaia-Baiona trenbidea berrituko dute, AHTa erabat baztertua den jakin gabe

Eragile anitzen urteetako aldarrikapena izan denari ekiteko, 20 milioi inbertituko dituzte. CADEren iritziz, «beste pauso bat da AHTaren proiektua abandonatzeko». Hendaia eta Baionaren arteko trenbideak berritzea erabaki du SNCF Frantziako trenbide konpainia publikoak.

Guillaume Pepy SNCFko zuzendariak hala jakinarazi zion Jean Rene Etxegarai Baionako alkate eta Euskal Elkargoko lehendakariari abuztuaren 1ean izandako bileran, France Bleu irratiak ezagutarazi duenez. «Oso pozik» agertu da Etxegarai: «Berri biziki ona da». 2018an ekingo diote Baiona-Hendaia arteko trenbideen berritzeari, eta 2020 an bukatu beharko lukete obrek; hogei milioi euro inbertituko ditu SNCFk.

SNCFren erabakia bat dator Ipar Euskal Herriko hautetsi eta gizarte eragile andanak AHTaren aurrean aldarrikatu duten «alternatibarekin». Lapurditik barna abiadura handiko trenik ez egiteko eskatu izan dute, eta, zerbait egitekotan, jadanik existitzen ziren trenbideak berritzeko. Hala egin zuten Hego Lapurdiko Hiriguneko hautetsiek iazko abenduan, Bordeletik Hego Euskal Herriraino existitzen ziren trenbideentzat. Beraz, abiadura handiko trenaren Lapurdiko adarraren proiektua alboratzea ekar dezake erabakiak; horrenbestez, Hegoaldeko AHTak Iparraldearekiko lotura galduko luke.

Ildo horretan mintzatu da Etxegarai France Bleun: «Duela gutxi arte buruan izan ditugun hainbat proiektuk agian ez dute inoiz argirik ikusiko». Hala ere, BERRIAri egindako adierazpenetan, ez du guztiz baztertu AHTaren proiektua: «Nik ez dut erran AHTrik ez denik egingo; alde batetik, ez dudalako horretarako botererik, eta, bestetik, Guillaume Pepyrekin bildu naizenean ez dugulako AHTaz hitz egin. Obrak egingo direnez, AHTa egingo ez dela ondorioztatu dute batzuek, baina kazetarien lana da balorazio horren egitea». Zehaztu du «normala» dela galdetzea zein eragin izango duten berritze lanek AHTan. «Orain arte, SNCFk ez digu inoiz erantzun zenbat denbora irabaziko litzatekeen berrituko dituzten trenbideen eta AHTaren artean. Hamar minutu inguru litzatekeela uste dugu. Beraz, AHTaren obren kostuen eta abantailen balantzea egitean, batez ere ingurumenaren arloan, eskubidea dugu halako garrantzia duten obren inguruan galderak egiteko».

[Baionako tren geltokia, artxiboko irudi batean; handik Hendaiara doan bidea berritzea erabaki du SNCFk. BOB EDME]

Ingurumenaren zaintzarako CADE elkarteko Victor Pachonek ere ez du uste AHTaren egitasmoa behin betiko alboratuko dutenik: «Beste pauso bat da AHT proiektua abandonatzeko bidean, baina ezin daiteke erran egitasmoa erabat baztertua denik». Haren iritziz, «erabaki politiko» bat falta da: «Hori hartua ez den bitartean, ezingo dugu erran AHTaren aurkako borrokan garaipen bat denik». Ohartarazi du ez dela halako mugimenduak gertatzen diren lehen aldia, baina egitasmoak bizirik jarraitzen duela: «Badakigu Alain Rousset Akitania Berriko lehendakariak, Alain Juppe Bordeleko alkateak, Ipar Euskal Herriko hainbat hautetsik eta alde direnek presioa areagotuko dutela». Azken urteetako bilakaerari begira, ondorio bat atera du: «Albistea AHTa abandonatzeko prozesu batean kokatzen da; egoera uzkaltzea besterik ez da falta».

Analisi ezberdinak

Jadanik existitzen ziren trenbideen inguruan eztabaida luzea izan dute CADEk eta RFF trenbideak kudeatzen dituen konpainiak. AHTaren bide berriak bultzatzeko, RFFk argudio bat zabaldu du luzaz: 2030. urtean trenbideak gainezka izanen zirela. Bestelakoa izan da CADEk orain arte egin analisia: krisialdiaren ondorioz salgaien eta pertsonen garraioak behera egingo zuela, eta, beraz, gainezka egiteko arriskua ez zela erreala. 2013an Suitzako aditu batzuek egindako txostena erabili zuten hori azaltzeko; 2050. urtera arte bederen trenbidea gainezka ez zela egonen jakinarazi zuen elkarteak orduan.

Bataila judizial ugari hasiak ditu CADEk SNCFren zein RFFren kontra. Azkena 2015eko irailean abiatu zuen, Frantziako Gobernuak Bordele-Akize AHT zatiari onura publikoko izaera jarri zionean. Izendapen horri esker hasi ziren proiektuak garatzen, baina erabakiari helegitea jarri zioten AHTaren aurkako taldeek eta hautetsiek. Joan den ekainean, administrazioak arrazoia eman zien: Bordele-Akize eta Bordele-Tolosa zatien onura publikoko izendapenak baliogabetu zituen. Gero eta bide estuagoa du AHTak Iparraldean, beraz. Hala ere, Pachonek oroitarazi du urrian iraganen diren mugikortasun jardunaldietan jakinen dela zein den «zehazki» Emmanuel Macronen gobernu berriaren jarrera.

This entry was posted on Igandea, abuztua 20th, 2017 at 12:05 and is filed under Albiste nagusiak, Albiste orokorrak. You can follow any responses to this entry through the RSS 2.0 feed. You can leave a response, or trackback from your own site.

Iruzkinik ez

Be the first to comment on this entry.

Have your say

Fields in bold are required. Email addresses are never published or distributed.

Some HTML code is allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>
URIs must be fully qualified (eg: http://www.domainname.com) and all tags must be properly closed.

Line breaks and paragraphs are automatically converted.

Please keep comments relevant. Off-topic, offensive or inappropriate comments may be edited or removed.

    AZKENPOSTAK

    1. “Tren sozial eta parte hartzailea” aldarrikatu dute 3000 lagunek Iruñean
    2. Lo haga Madrid o lo haga Geroa Bai… No al TAV!
    3. Una investigación halló indicios de un posible desvío de fondos en las obras de la ‘Y vasca’
    4. Sustrai Erakuntza presenta propuesta alternativa al TAV en Navarra
    5. [prentsa oharra] AHTren proiektu partehartzailea: adimenari iraina
    6. Hendaia-Baiona trenbidea berrituko dute, AHTa erabat baztertua den jakin gabe
    7. [Bergara-Derio] Mendi martxaren kronika (uztailak 16. Azken etapa)
    8. [Bergara-Derio] Mendi martxaren kronika (uztailak 15)
    9. [Bergara-Derio] Mendi-martxaren lehen kronika (uztailak 14)
    10. [prentsaurrekoa] EAJ: ez dugu horrenbesteko porlana irentsi nahi!
  1. ARTXIBOAK


    BILAKETA