Maiatzak 12, astelehena

ETXARRI eta ALTSASU

Atzo Nafarroa maitean egin genuen azken eguna izan zen. Penaz baina atzean utzi behar izan dugu, ea nafartarrek egin diguten harrera beroa jasotzen dugun gainontzeko euskal herrietan. Beno gauean Etxarrin egin genuen lo. Goizean goiz kamioia herrigunera gerturatu eta montatu genuen. Jende asko hurbildu zen informatu asmoz. Aipatu, nafarroan garbi ikusi dugunez, edade guztietako biztanleak hurbildu zaizkigu. Hasi umeetatik eta agureetaraino (makina bat zakur ere ibili izandu da inguruan, jeje). Guztiak, aginteriek erraztu ez dieten informazioaz jabetu asmoz. Giro ederra egin zuen egun osoan zehar, eguzkia izan genuen lagun. Aipatu bi herri hauetan toki oso onean kokatu dugula kamioia. Etxarrin gainera, peri eguna zen atzokoa. Arratsaldean Altsasura joan ginen. Han ere jende asko hurbildu zen. Aipatu Garraxi irrati librekoak gutaz interesatu zirela, entrebista bat egitea eskatu ziguten, eta gustu haundiz erantzun genien. Asteartero egin ohi duten magazinean aterako omen dute (www.sindominio.net/garraxi ) Altsasutarrak lan ederra egin zuten kamioi ingurua dekoratuz, hainbat panel ezarriz. Aipatu baita ere, Altsasun kamixeta dexente saldu zirela. Beno gaur Gipuzkoan sartu gara, izugarrizko penaz Nafarroa atzean utzita. Orain artekoaz azpimarratzeko gai bat, nafartarrek egin diguten harrera ona, izugarria. Hitzik gabe gelditzen gara hori espresatzeko garaian. Konfidantza osoz hartu gaituzte. Bihotz bihotzez esker mila Nafartar guztiei!!!!!

This entry was posted on Wednesday, May 3rd, 2006 at 8:38 pm and is filed under Gelditour. You can follow any responses to this entry through the RSS 2.0 feed. You can leave a response, or trackback from your own site.