AHTren aurkako ekintza egin dute Donostian

GARA.INFO» AHTren Aurkako Asanbladako kideek protesta ekintza egin dute Gipuzkoako Merkataritza Ganberan: AHT eta desarrollismoa salatzen duen pankarta eskegi eta Ganberako bulegoetara sartu dira esku-orriak banatzera.

Abiadura Handiko Trenaren Aurkako Asanblada abenduaren 10etik 23ra bitarte egiten ari den Hamabostaldi Antidesarrollistaren harira, salaketa ekintza egin du Donostiako Merkataritza Ganberan.Goizeko 11.30ak inguruan, “Txikizioa gelditu behingoz! Desarrollismoari stop! AHTrik EZ!” lemadun pankarta eskegi dute Ganberako erakinean. Ondoren, bertako bulegoetara sartu dira asanbladako kide batzuk esku-orriak banatzera. Erakunde horrek AHT eta Jaizkibelgo Superportua bezalako egitasmo “txikitzaileen inposaketan eta, oro har, ingurugiroan nahiz gizarte arloan ondorio larriak dituzten azpiegitura lan handien auzian agertzen duen jarrera nardagarria” errefusatu dute.

Halaber, datorren larunbatean AHTren aurka Arrasaten egingo den manifestazio nazionalarekin bat egin du asanbladak.

AHTren aurkako 15 lagun epaituko dituzte Bilbon

Datorren ostegunean Bilboko Auzitegian AHTren aurkako 15 lagunen aurka egingo den epaiketa ere salatu dute asanbladakoek. Pasa den apirilean ADIF erakundearen (Gobernu espainolaren trenbide azpiegituren kudeatzailea) bulegoak okupatu zituzten Abandoko tren geltokian. “Euskal Y” delakoaren lanak geldiarazteko protesta izan zen hura.

Epaiketa hori dela-eta, Abandoko ADIF enpresaren bulegoen aurrean elkarretaratzea egingo duela jakinarazi du asanblada berak, goizeko 09.00etatik aurrera, “desobedientzia eta erresistentzia zibila borrokarako bide gisa sostengatzeko eta AHT geldiaraz dezateko exijitzeko”.

This entry was posted on Asteartea, abendua 11th, 2007 at 8:19 pm and is filed under Albiste nagusiak, Hemeroteka, Mobilizazioak. You can follow any responses to this entry through the RSS 2.0 feed. You can leave a response, or trackback from your own site.