Ehundik gora gazte batu ziren Lazkaon AHTarekin etorkizunik ez! Etorkizuna Independentzia! lelopean

Gaztesarea» Atzo arratsaldean 140 pertsona inguruk hartu zuten parte Lazkaon AHTarekin etorkizunik EZ! Etorkizuna INDEPENDENTZIA! lemapean buruturiko manifestazioan. Gazteek herriko kaleak gurutzatu zituzten AHTren aurkako aldarria ozen zabalduz

Goierriko gazte independentisten oharra:

Gazteok argi dugu, ez dugu gure herria suntsituko duen abiadura handiko trenik nahi. Ez dugu putre-politikari zein elite ekonomikoaren aberastasuna bilatzen duen inongo trenik nahi. Progresoa, garapena… pozoindutako hitz ederrak! Baina guri ez digute ziria sartuko. AHT-ak ez digu onurarik ekarriko: mendien suntsipena, ibai kaltetuak, errepide berriak, zabortegi erraldoiak, hotelak, golf zelaiak, auzo berriak, makro gune erraldoiak herri osoak porlanez josiz… Herri eredu bat da inposatu nahi digutena, gure beharrei erantzuten ez diena, boteredun ustelen tamainako lurraldea, alegia. Ama lurraren etengabeko esplotazioan oinarritua. PNV eta PSOE besteak beste, proiektuaren alde agertu dira, baina galdetu al diote herriari? Beste behin ere PNV eta PSOEk Euskal Herriari iruzur berri bat egin nahi diote. Baina, alferrik ari dira; diruzale, español eta poltronero horiek gazteok aurrean izango gaituzte eta ez dira beren nahiarekin aterako. Beraiek hori badakite eta saiatuko dira gu kolpatzen, ikusi besterik ez dago azken boladan egindako sarekadak euskal gazteri independentista kriminalizatzea beste helbururik ez dutela!

AHT-ak Euskal Herri osoa txikituko du, aberatsak aberatsago bihurtu eta herritarrak pobreago bihurtu besterik egingo ez duen proiektu faraonikoa dabilki esku artean PNVk. Baina ez dabiltza ederki besoak gurutzaturik geratuko garela uste badute. Aurrez aurre izango gaituzte! Lemoiz herriak gelditu zuen eta eta guk herriak duen indarrean sinisten dugu. Oraingo hau ere geldituko dugu! Dena dela, errealitate gris hau iraultzeko denon indarra beharko dugu. Antolakuntzaz eta borrokaz, lortuko dugu! Herriz herri gorriak ikusaraziko dizkiegu!

Negozioen trenari ez! Diruzaleekin etorkizunik ez dugulako, gazteok AHTari EZ! ETORKIZUNA INDEPENDENTZIA! Jo Ta Ke irabazi arte!!!

This entry was posted on Astelehena, apirila 28th, 2008 at 12:29 am and is filed under Albiste nagusiak, Mobilizazioak. You can follow any responses to this entry through the RSS 2.0 feed. You can leave a response, or trackback from your own site.